контактирајте нè

Децата на родители кои проаѓаат низ развод на брак често се загрижени за тоа како нивните деца ке го прифатат разводот и како таа стресна ситуација ќе влијае на нив.

Иако се родителите во тој важен период од животот преокупирани со сопствените проблеми, тие се сеуште најважната фигура во животот на своите деца, и поради тоа тие самите треба најмногу да им помогнат за време на разводот.

Соопштување на своите деца за разводот

Тешко е да се соопшти на децата дека родителите се разведуваат. Како може да постапите:

• немојте разводот да го држите во тајност и веста да ја соопштите во краен момент
• детето информирајте го заедно, двајцата родители
• разговарајте јасно, дирекно и едноставно и избегнувајте да го оптоварувате детето со непотребни лоши детали, пр. Може да кажете ( мама и тато тешко се сложуваат, па мислат дека е најдобро да живеат одвоено )
• објаснете им дека разводот никако и никогаш не е нивна кривица, и дека секогаш ќе бидете тука за нив и вашата љубов кон нив ќе трае засекогаш
• признајте му дека ситуацијата ќе биде тешка и тажна за сите
• не решавајте ги брачните проблеми пред детето
• објаснете им дека разведените родители ги сакаат своите деца еднакво како и оние што се во брак.

Знаци на стрес кај детето за време на развод

Помалите деца може да станат агресивни, непослушни или повлечени. Постарите деца може да преживуваат длабока тага и чувство на губиток. Децата исто така може да го намалат школскиот успех и да имаат некои бихејвиорални пореметувања. Адолецентите може да имаат потешкотии во влегување во емотивни врски, ниска самодоверба и автодеструктивно однесување.

Како да им се помогне на децата за време на развод?

• Немојте да го омаловажувате и окривувате поранешниот партнер пред детето
• Не форсирајте го детето да бира меѓу двајцата родители
• Не го користите детето како пренесувач на пораки и не извлекувајте информации од него за другиот родител
• Нека детето биде само дете, не го користите за утеха и жалење
• Стимулирајте го детето што почесто да се гледа со другиот родител
• Не го одвојувајте од секојдневната рутина и распоред, треба да ги задржи
• Колку побргу и вие се навикнете на новата ситуација,и на вашето дете ќе му биде полесно
• Не пропуштајте ни една прилика да му изразите љубов

Децата најдобро ќе го преживеат разводот ако знаат дека и двајцата родители се сеуште истите тие родители кои ги сакаат и се грижат за нив, иако бракот завршил и живеат одделно. Тоа значи дека родителите мора да соработуваат меѓусебно и да направат се што е можно најдобро за своето дете макар и тоа да се коси со нивните желби.

Поддршката на двајцата родители е најдобрата алатка што може да ја има детето за време на разводот.

Автор на текстот:

Психијатар Др. Тина Темелковска 

Превземено од www.bebeboom.mk